Latur Crime News : माझ्या भावावर लवकर उपचार का केला नाही असे म्हणत निलंगा (nilanga) शहरातील एका डॉक्टरला (doctor) मारहाण करण्यात आली. या प्रकरणी दोघांवर निलंगा पोलिस ठाण्यात गुन्हा दाखल करण्यात आला आहे. याबाबतची माहिती पाेलीसांनी दिली. (Tajya Batmya)

एका अपघातात किरकोळ जखमी झालेला एक व्यक्ती उपचारासाठी पांचाळ कॉलनी येथील श्वास हॉस्पिटलमध्ये दाखल झाला होता. त्या ठिकाणी सेवेत असलेले डॉक्टर मिथुन सुदाम जाधव यांनी त्या व्यक्तीवर प्राथमिक उपचार सुरू केले. (Latur Latest Marathi News)

त्यानंतर काही वेळात रवी मेंगडे व त्याचा एक मित्र दवाखान्यात पाेहचले. त्यांनी तू माझ्या भावास वेळेवर उपचार का सुरू केले नाही असे म्हणत शिवीगाळ करत डॉक्टर मिथुन जाधव यांच्या अंगावर धावून गेले आणि त्यांना मारहाण केली. त्यांच्यासोबत आलेल्या व्यक्तींनीही जाधव यांना मारहाण केली.

तेथील टेबलावर असलेला लोखंडी पाना फेकून मारला व तो डॉक्टर जाधव यांच्या कानामागे लागला. तुला बघून घेतो म्हणत जीवे मारण्याची धमकी दिली. त्यावेळी घटनास्थळी धावून आलेल्या डॉक्टर शेषराव शिंदे डॉक्टर नाईकवाडे यांंनी जाधव यांनी सोडविले. या प्रकरणी डॉक्टर मिथुन जाधव यांच्या फिर्यादीवरून निलंगा पोलिसात रवी मेंगडे आणि त्याच्या साथीदारवर गुन्हा नोंद करण्यात आला आहे. (Maharashtra News)

Edited By : Siddharth Latkar