Ngapur Crime News sana khan missing case main accused pappu sahu arrested  Saam TV
महाराष्ट्र

Sana Khan Case: भाजप पदाधिकारी सना खान हत्या प्रकरणात मुख्य आरोपीला अटक; नागपूर पोलिसांची मोठी कारवाई

Sana Khan Murder Case: नागपूर येथील भाजपच्या पदाधिकारी सना खान बेपत्ता प्रकरणात तपास करताना पोलिसांना मोठं यश मिळालं आहे. पोलिसांनी सना खानचा बिझनेस पार्टनर अमित उर्फ पप्पू साहू याला अखेर बेड्या ठोकल्या आहेत.

संजय डाफ, साम टीव्ही, नागपूर

Nagpur Crime News: नागपूर येथील भाजपच्या पदाधिकारी सना खान बेपत्ता प्रकरणात तपास करताना पोलिसांना मोठं यश मिळालं आहे. पोलिसांनी सना खानचा बिझनेस पार्टनर अमित उर्फ पप्पू साहू याला अखेर बेड्या ठोकल्या आहेत. आपणच सना खानची हत्या केल्याची कबुली आरोपींनी पोलिसांना दिली आहे.

सना खानची हत्या केल्यावर तिचा मृतदेह हिरन नदीत फेकल्याचं आरोपी अमित साहूने पोलिसांना सांगितलं आहे. दरम्यान, अमितने जेथून सनाचा मृतदेह नदीत फेकला तिथे पोलीस त्याला घेऊन गेले. पोलिसांकडून नदीत मृतदेहाचा शोध घेण्यात आला. मात्र, अद्यापही मृतदेह हाती लागला नसल्याची माहिती आहे.

नागपूर येथील भाजपची पदाधिकारी सना खान १ ऑगस्टला जबलपूरला रवाना झाली होती. २ ऑगस्टला तिथे पोहोचल्यानंतर तिने आईला जबलपूरला पोहोचल्याची माहिती दिली. मात्र, त्यानंतर ती बेपत्ता झाली. पुन्हा फोन केल्यावर तिचा फोन बंद होता. सनाच्या आईने तिचा बिझनेस पार्टनर अमित साहूला फोन केल्यानंतर त्याने उडवाउडवीची उत्तरे दिली.

मुलीसोबत काही तरी घडल्याचा संशय येताच सना खानच्या आईने पोलिसांत धाव घेत तक्रार दाखल केली. याप्रकरणी पोलिसांनी तातडीने गुन्हा दाखल सनाच्या तपासासाठी एक पथक जबलपूरला रवाना केलं होते. पोलिसांनी त्याठिकाणी सनाच्या बिझनेस पार्टनर अमित साहूचा शोध घेतला.

मात्र, पोलीस येण्याआधीच तो फरार झाला होता. यावेळी पोलिसांनी आरोपी पप्पू साहूच्या ढाब्यावर काम करणाऱ्या वेटरला अटक केली. यातील एका वेटरने पोलिसांना सना खानच्या हत्येची कबूली दिली होती. आपण अमित साहू याच्या गाडीतील रक्त साफ केल्याचं वेटरने पोलिसांना सांगितलं होतं.

दरम्यान, नागपूर गुन्हे शाखेचं पथक आरोपी अमित उर्फ पप्पू साहूच्या शोधात होतं. शुक्रवारी रात्रभर शोध घेतल्यानंतर पोलिसांनी अमित साहूला अटक केली. महत्त्वाचं म्हणजे चौकशीदरम्यान त्याने सना खानची हत्या केल्याची कबुली दिली आहे. आज आरोपीला नागपूर न्यायालयात हजर केलं जाणार आहे.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

राफेल विमान प्रतिकृतीतून लालबागच्या राजावर पुष्पवृष्टी; गणेश विसर्जन सोहळ्यात भक्तांचा उत्साह शिगेला|VIDEO

Chandragrahan 2025: चंद्रग्रहणाच्या वेळी गर्भवती महिलांनी काय करावे आणि काय टाळावे?

Aadhaar Verification : आधार कार्ड खरे की खोटे? फसवणुकीपासून सावध राहण्यासाठी आवश्यक टिप्स

Pune Ganpati Visarjan: पुण्यातील मानाच्या पाचही गणपतींचे भव्य विसर्जन संपन्न|VIDEO

Maharashtra Live News Update: शिवसेनेच्या दसरा मेळाव्याला राज ठाकरे शिवतीर्थावर जाणार

SCROLL FOR NEXT