एका कालावधीनंतर बऱ्याच ठिकाणची नावे बदलेली आपण पाहिलं असेल. देशातील अनेक शहरांची नावे बदलण्यात आली आहेत, याबद्दल आपण वारंवार ऐकत आलो आहोत. मात्र आता महाराष्ट्र सरकारकडून एक नवा निर्णय घेण्याची तयारी सुरू आहे. राज्यातील ‘प्लंबर’ या व्यवसायिकांचा दर्जा बदलून त्यांना ‘वॉटर इंजिनिअर’ म्हणून संबोधले जाणार आहे. याची माहिती नुकतीच राज्याचे कौशल्य विकास मंत्री मंगलप्रभात लोढा यांनी दिली आहे.

मंत्री मंगलप्रभात लोढा हे शुक्रवारी नाशिक दौऱ्यावर होते. दौऱ्यावेळी त्यांनी प्रसारमाध्यमांशी संवाद साधला. यावेळी त्यांनी यासंदर्भात माहिती दिली. त्यांनी सांगितले की, याबाबत मुख्यमंत्री देवेंद्र फडणवीस यांच्याशी चर्चा करून अंतिम निर्णय घेतला जाईल. अशी माहिती त्यांनी दिली.

मजुरांना सन्मान मिळावा यासाठी काही व्यवसायांच्या नावात बदल करून त्यांना नवीन नाव देणार असल्याचं मंगलप्रभात लोढा यांनी सांगितलं.

नाशिक दौऱ्यात पक्ष कार्यकर्त्यांशी संवाद

शुक्रवारी मंगलप्रभात लोढा नाशिक दौऱ्यावर होते. यावेळी त्यांनी राज्य सरकार घेत असलेल्या निर्णयाची माहिती दिली. तसेच त्यांनी स्थानिक स्वराज्य संस्थांच्या निवडणुकीच्या पार्श्वभूमीवर कार्यकर्त्यांशी संवाद साधला. तसेच पदाधिकाऱ्यांना काही सुचना दिल्या. यासह बुथ समिती, बूथ रचना या सगळ्याचा निवडणुकीच्या अनुषंगाने आढावा घेतला. यानंतर त्यांनी शहराध्यक्षांची भेट घेऊन काही महत्त्वाच्या सूचनाही दिल्या.