मालवणच्या किल्ले राजकोट येथे छत्रपती शिवाजी महाराज यांच्या पुतळ्याची नव्यानं उभारणी करण्यात येणार आहे. या ठिकाणी ६० फूट लांबीचा पुतळा उभारण्यात येणार आहे. प्रसिद्ध शिल्पकार राम सुतार यांना पुतळा उभारणीचं काम देण्यात आलंय. छत्रपती शिवाजी महाराज यांच्या पुतळ्याच्या उभारणीसाठी २० कोटी रूपयांचा खर्च अपेक्षित आहे.
या आधी राजकोट किल्ल्यावर छत्रपती शिवाजी महाराज यांच्या पूर्णाकृती पुतळा उभारण्यात आला होता. पुतळ्याचं अनावरण झाल्यानंतर अवघ्या ८ महिन्यात पुतळा कोसळला होता. यानंतर राज्यासह केंद्र सरकारवरही टीका करण्यात आली होती. त्यामुळे सरकारनं लवकरच पुतळा उभारण्यात येईल असं आश्वासन दिलं होतं. त्यानुसार या पुतळ्याचं काम हाती घेण्यात आलं आहे.
६० फूट उंच पुतळा उभारणीचं काम राजकोट किल्ल्यावर काम सुरू आहे. सध्या पुतळ्याचा चौथरा बनवण्याचं काम सुरू आहे. पुतळ्यासाठी खास ३ मीटर उंचीचा चौथरा उभारण्यात येईल. १०० टिकेल असा पुतळा उभारण्याची तयारी सुरू आहे. पुतळ्याचं बांधकाम अधिक मजबूत असेल असे सांगण्यात येत आहे.
राजकोट किल्ल्यावरील छत्रपती शिवाजी महाराज यांचा पुतळा ज्येष्ठ शिल्पकार राम सुतार यांची कंपनी उभारणार आहे. यापूर्वी राम सुतार यांच्या कंपनीकडून स्टॅच्यू ऑफ युनिटीचं काम पूर्ण झालं आहे. त्यामुळे लवकरच छत्रपती शिवाजी महाराज यांच्या पुतळ्याचं काम लवकर पूर्ण होईल असं सांगण्यात येत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.