पंढरपूर : राष्ट्रवादीच्या खासदार सुप्रिया सुळे (Supriya Sule) आणि माजी मंत्री पंकजा मुंडे (Pankaja Munde) यांच्याविषयी आक्षेपार्ह वक्तव्य केल्या प्रकरणी ज्येष्ठ किर्तनकार बंडातात्या कराडकर (Bandatatya Karadkar) चांगलेच अडचणीत आले आहेत. त्यांच्या या वक्तव्याचा सोलापूर जिल्हा राष्ट्रवादी युवती काॅंग्रेसच्या पदाधिकाऱ्यांनी निषेध करत त्यांच्यावर कारवाई करावी अशी मागणी केली आहे.

हे देखील पहा :

बंडातात्या कराडकर यांना पंढरपुरात (Pandharpur) पाय ठेवू देणार नाही. बंडातात्या जर पंढरपुरात आलेच तर त्यांच्या तोंडाला काळे फासू असा इशारा सोलापूर (Solapur) जिल्हा राष्ट्रवादी (NCP) युवती काॅंग्रेसच्या अध्यक्षा श्रेया भोसले यांनी दिला आहे. बंडातात्या कराडकर यांनी महिलांचा अपमान केला आहे. त्यांच्यावर फौजदारी गुन्हा दाखल करावा या मागणीचे लेखी निवेदन पंढरपूरचे उपविभागीय पोलिस अधिकारी विक्रम कदम यांना दिले आहे.

बंडातात्या कराडकर हे वारकरी संप्रदायाला लागलेली विकृती आहे. अशा विकृतींना वेळीच ठेचून काढले पाहिजे. महिला विषयी वादग्रस्त वक्तव्य करुन वारकरी संप्रदायाचा देखील त्यांनी अवमान केला आहे. त्यांना यापुढे पंढरपुरात व विठ्ठल रुक्मिणी मंदिरात पाय ठेवू देणार नाही, प्रसंगी त्यांचे तोंड काळे करु इशाराही भोसले यांनी दिला आहे.

Edited By : Krushnarav Sathe