Nashik News : अजित पवारांसह राष्ट्रवादीच्या अनेक आमदारांनी बंड करत शिंदे-फडणवीस सरकारला पाठिंबा दिला आहे. अजित पवारांच्या या निर्णयानंतर राष्ट्रवादी काँग्रेस पक्षात उभी फूट पडली आहे.

मात्र पक्ष आणि पक्षचिन्ह कुणाकडे असा पेच पुन्हा निर्माण झाला आहे. याशिवाय राष्ट्रवादीची राज्यभरातील कार्यालयांवर दावा करण्यासाठीही चढाओढ सुरु झाली आहे. नाशिकमध्येही कार्यालयावरुन अजित पवार, छगन भुजबळ समर्थक आणि शरद पवार समर्थक आमने-सामने आले आहेत. (Latest Marathi News)

शरद पवार गटाचे पदाधिकारी कार्यकर्ते राष्ट्रवादी कार्यालयाबाहेर दाखल झाले आहेत. शरद पवार गटाचे पदाधिकारी राष्ट्रवादीच्या कार्यालयात बैठक घेण्यावर ठाम आहेत. मात्र बैठकीसाठी राष्ट्रवादी कार्यालयात येऊ देणार नाही, असा इशारा अजित पवार आणि भुजबळ गटाने त्यांना दिला आहे. (Breaking News)

भुजबळ समर्थकांनी सकाळीच राष्ट्रवादीच्या कार्यालयाचा ताबा घेतला आहे. तर दुसरीकडे राष्ट्रवादीचे नाशिक लोकसभेचे जिल्हाध्यक्ष कोंडाजी मामा आव्हाड यांनी मात्र राष्ट्रवादीच्या कार्यालयात येऊन बैठक घेऊ अशा पद्धतीची भूमिका घेतली आहे.  (Latest Political News)

कार्यालयाच्या ताब्यावरून होणारा संभाव्य संघर्ष टाळण्यासाठी राष्ट्रवादीच्या कार्यालयाबाहेर पोलिसांचा मोठा पाऊस फाटा तैनात करण्यात आलेला आहे. दंगा नियंत्रण पथक देखील राष्ट्रवादी कार्यालय बाहेर तैनात करण्यात आलं आहे.