पुणे : दुरुस्तीचे खोटे कारण सांगत सय्यद नगर रेल्वे गेट नंबर सात हे कायमचे बंद करण्याचा रेल्वे प्रशासनाचा डाव आहे, असा आरोप करत राष्ट्रवादी काँग्रेसच्या वतीने रेल रोको आंदोलन करण्यात आले. दरम्यान, पोलिसांनी यावेळी मोठा बंदोबस्त ठेवला होता, यावेळी पोलिस आणि आंदोलकांमध्ये वादावादी झाली आणि पोलिसांनी आंदोलकांना रेल रोको करण्यास रोखून धरले.

हे देखील पहा :

राष्ट्रवादीचे काँग्रेसचे पुणे शहराध्यक्ष प्रशांत जगताप आणि माजी नगरसेवक फारूक इनामदार यांच्या नेतृत्वाखाली हे आंदोलन करण्यात आले. भाजपची सत्ता पालिकेत आल्यानंतर तत्कालीन भाजपच्या आमदाराने हे गेट बंद केले आहे. गेल्या दोनशे वर्षांपासून हे गेट आहे, हे गेट बंद केल्यामुळे दोन लाख नागरिकांची गैरसोय होत आहे, असं राष्ट्रवादीचं म्हणणं आहे.

आसपासच्या बारा वाड्यामधील नागरिक या गेटने ये-जा करतात येथील व्यावसायिक रिक्षा चालक यांच्या व्यवसायावर याचा परिणाम होत आहे, हे गेट खुले न केल्यास यापेक्षा तीव्र आंदोलन करण्यात येईल असा इशारा राष्ट्रवादीचे शहराध्यक्ष प्रशांत जगताप यांनी दिला आहे.

Edited By : Krushnarav Sathe