>> कैलास चौधरी

धाराशीव : अजित पवार यांना आपल्याला मुख्यमंत्री करायचं आहे. त्यासाठी कामाला लागण्याचे आवाहन राष्ट्रवादीचे आमदार निलेश लंके यांनी केली होतं. मात्र त्यांनी आता आपल्या वक्तव्यावर घुमजाव केलं आहे.

राष्ट्रवादी काँग्रेस हे कुटुंब असून यात कोणती जबाबदारी कोणाला द्यायची याचे सर्व अधिकार कुटुंब प्रमुख म्हणून शरद पवार यांना आहेत, असं म्हणत निलेश लंके यांनी आपल्या मागणीवरुन धुमजाव केले आहे.

आमदार निलेश लंके हे धाराशिव जिल्ह्यातील संजीपूर येथे जल जिवन मिशन पाणी पुरवठा योजनेच्या भुमीपूजन कार्यक्रमासाठी आले होते, यावेळी ते माध्यमांशी बोलत होते.

काय म्हणाले होते निलेश लंके?

आपल्याला दादांना मुख्यमंत्री करायचे आहे. अजित दादांच्या काम करण्याची पद्धत घराघरात पोहोचवाची आहे. हे काम येत्या वर्षभरात करायचे आहे. पुढच्या वर्षी आपल्याला निवडणुकीला सामोरे जायचे आहे. अजित पवारांना फक्त पाच वर्षं मुख्यमंत्रीपदाची संधी मिळाल्यानंतर आपले राज्य 25 वर्षं पुढे गेल्याशिवाय राहणार नाही, असं निलेश लंके यांनी म्हटलं होतं.