भरत मोहळकर, साम टीव्ही, प्रतिनिधी

राज्यात महिला अत्याचाराच्या घटनांमध्ये वाढ होत असताना महिला सुरक्षेसाठी कठोर कायदे करण्याची मागणी केली जातेय.. त्यातच आता महिला दिनानिमित्त महिलांना एक खून माफ करा, अशा मागणीचं पत्रच शरद पवारांच्या राष्ट्रवादीच्या महिला प्रदेशाध्यक्षा रोहिणी खडसेंनी थेट राष्ट्रपतींना लिहीलंय.. तर गुलाबराव पाटलांनी खडसेंच्या मागणीवर खोचक प्रतिक्रिया दिलीय.

एनसीआरबीच्या रिपोर्टनुसार गेल्या 8 वर्षात राज्यात तब्बल 45 हजार महिलांवर बलात्काराच्या घटना घडल्या आहेत.. एवढंच नाही तर 1 लाखापेक्षा अधिक महिला बेपत्ता झाल्याची धक्कादायक आकडेवारी समोर आलीय.. त्यामुळे महिला सुरक्षा पुन्हा ऐरणीवर आलीय..

त्यामुळे आता राष्ट्रपती द्रौपदी मुर्मू रोहिणी खडसेंची मागणी मान्य करुन महिलांना एक खून करण्याची परवानगी देणार की महिलांच्या इज्जतीचे लचके तोडणाऱ्या गिधाडांचा बंदोबस्त करण्यासाठी शक्ती कायद्याला मंजूरी देणार? याकडे लक्ष लागलंय.