लोकसभा आणि विधानसभा निवडणुकीत एकमेकांविरोधात रणशिंग फुंकलं.. मात्र कोल्हापूरच्या चंदगडनंतर पवार काका -पुतण्या थेट होमपिच बारामतीत एकत्र येण्याची शक्यता आहे...कारण माळेगाव नगरपंचायतीत भाजपच्या तावरेंनी पारंपरिक विरोधक अजित पवार आणि शरद पवारांविरोधात दंड थोपटलेत...

त्यामुळे भाजपला रोखण्यासाठी अजित पवार आणि शरद पवारांची राष्ट्रवादी बारामतीत एकत्र येण्याची चर्चा आहे.. मात्र त्याआधीच एका बाजूला अजित पवार तर दुसऱ्या बाजूला युगेंद्र पवार इच्छुकांच्या मुलाखती घेणार आहेत... याच वेळी अजित पवार नगराध्यक्षपदाचा उमेदवार जाहीर करण्याची शक्यता आहे.. एवढंच नाही तर पिंपरी चिंचवडमध्येही भाजपला रोखण्यासाठी दोन्ही राष्ट्रवादींनी एकत्र येण्याची तयारी केलीय..

ही चर्चा फक्त बारामती, पिंपरी चिंचवडपुरती मर्यादित नाही... तर शिरुर, अंबाजोगाई आणि जेजुरी नगरपरिषदेतही युतीची चर्चा रंगलीय.. आणि त्याला कारण ठरलंय पुरंदर विधानसभा मतदारसंघातील बदललेलं समीकरण.... कारण काँग्रेसचे संजय जगताप भाजपवासी झालेत.. त्यामुळे बदललेल्या समीकरणाचा फायदा मिळण्याच्या आशेने जेजुरीत दोन्ही राष्ट्रवादी एकत्र येण्याची शक्यता आहे...

आता अजित पवार भाजपसोबत महायुतीत सत्तेत असतानाच काका शरद पवारांच्या राष्ट्रवादीशी संधान साधत आहेत...त्यामुळे जेजुरीतून युतीचा भंडारा उधळून आगामी काळात पवार काका-पुतण्या पुन्हा एकत्र येणार का? याकडे राज्याचं लक्ष लागलंय..