सिद्धेश म्हात्रे

Uran Crime News : उरणमध्ये धक्कादायक घटना घडली आहे. एका १४ वर्षीय मुलाने शेजारी राहणाऱ्या ५ वर्षीय मुलीवर बलात्कार केल्याचे उघडकीस आले आहे. पीडित मुलीने याबाबत आईला सांगितल्यानंतर ही घटना उघड झाली आहे.

मिळालेल्या माहितीनुसार, ५ वर्षीय चिमुकलीवर शेजारी राहणाऱ्या १४ वर्षीय मुलाने अत्याचार (Sexual Assault) केले. पीडित मुलीने आईला घडलेला प्रकार सांगितला. पीडितेच्या आईने उरण पोलीस ठाणे गाठले. संशयित आरोपी अल्पवयीन मुलाविरोधात तिने पोलिसांत तक्रार नोंदवली. (Crime News)

उरण पोलिसांनी (Uran Police) तात्काळ संबंधित आरोपीवर गुन्हा दाखल केला आहे. त्याला ताब्यात घेतले असून, उरण पोलीस अधिक तपास करत आहेत. ही घटना उघडकीस आल्यानंतर उरण परिसरात खळबळ उडाली आहे. (Navi Mumbai)

पॉक्सो अंतर्गत गुन्हा दाखल

परिमंडळ २ चे उपायुक्त पंकज डहाणे यांनी सांगितले की, या प्रकरणी आरोपीविरोधात बलात्कार आणि पॉक्सो अंतर्गत गुन्हा नोंदवण्यात आला आहे. येथील १४ वर्षीय मुलाने शेजारील ५ वर्षीय मुलीवर लैंगिक अत्याचार केले. याबाबत पीडित मुलीने तिच्या आईला हा सगळा प्रकार सांगितल्यानंतर घटना उघडकीस आली आहे. आरोपी मुलाला ताब्यात घेण्यात आले आहे. पुढील तपास सुरू आहे.