नाशिक : स्वच्छ, सुंदर आणि शांत शहर म्हणून ओळख असणारे नाशिकमध्ये मागील काही दिवसांपासून खुनाच्या घटनांनी चांगलेच हादरले आहे. आता एका महिलेचा चाकूचे एक नाही दोन नाहीतर तब्ब्ल २५ वार करून जीव घेतल्याचा धक्कादायक प्रकार समोर आला आहे. पूजा आंबेकर असे मृत महिलेचे नाव असून, याप्रकरणी गंगापूर पोलीस ठाण्यात गुन्हा दाखल करण्यात आला आहे.

हे देखील पहा-

नाशिक मधील आंनदवल्ली खून प्रकरणाचा नुकताच उलगडा झाला आहे. याप्रकरणी तब्बल २० जणांना तुरुंगाची हवा खावी लागत आहे. त्यामध्ये बिल्डरांपासून ते २ कुख्यात गुंडांचाही समावेश आहे. यानंतर झालेल्या परप्रांतीय कामगाराचा झालेला खून. याप्रकरणी देखील पोलिसांनी २ बेड्या ठोकले आहेत. आता त्याच नाशिक मध्ये कबीर नगरमध्ये आणखी एका महिलेचा अतिशय निर्घृणपणे खून केल्याची घटना घडली आहे.

पूजा आंबेकर असे मृत महिलेचे नाव आहे. पूजावर तिच्यासोबत राहणाऱ्या इसमाने एक- दोन नव्हे, तर चक्क जवळपास २५ चाकूचे वार करण्यात आले आहेत. रात्रीच्या सुमारास ही घटना घडल्याचा अंदाज आहे. संशयित संतोष आंबेकर फरार असून, पोलिसांनी त्याचा शोध सुरू केला आहे. विशेष म्हणजे आंबेकरवर या अगोदर देखील २ खुनाचे गुन्हे दाखल झाले आहेत. तो अट्टल गुन्हेगार असल्याचे समजत आहे.या प्रकरणाचा अधिक तपास पोलीस करत आहेत.

Edited By- Digambar Jadhav