नाशिक : राज्यात गुन्हेगारीचं प्रमाण प्रचंड प्रमाणात वाढत चाललं आहे. त्यामुळे पोलिसांचा धाक गुन्हेगारांना राहिला आहे की नाही? असा सवाल आता नागरिकांमधून होत आहे. अशीच एक धक्कादायक घटना नाशिक-पुणे महामार्गावर घडली आहे. टाटा डीईएफ पंपावर चौघांनी तलवा, कोयता आणि दांड्यासह हल्ला करत पेट्रोल पंप लुटला आहे.

रात्रीच्या वेळी चार दरोडेखोर कॅप व जर्किन घालून आले आणि पंपावरील कर्मचाऱ्यांनी त्यांनी धमकावत ४० हजारांची रोकड लुटली. घाबरलेल्या कर्मचाऱ्यांनी त्यांच्याजवळ असलेली रोकड त्यांना काढून दिली. या अज्ञात आरोपींचा शोध सध्या सुरु आहे. त्यांच्याविरोधात सिन्नर पोलीस ठाण्यात गुन्हा दाखल करण्यात आला आहे. महामार्गावर सुरक्षेचा मोठा सवाल आता उपस्थित राहिला आहे. सतत घडणाऱ्या या गुन्ह्यांमुळे नागरिकांमध्ये भीतीचं वातावरण पसरलं आहे.