- अजय सोनवणे

Nashik Crime News : नाशिक पाेलीस दल धडाकेबाज कामगिरी करीत असून येवला शहरातून पाेलीसांनी 11 दुचाकीसह तीन जणांना घेतले. दूसरीकडे नाशिकच्या देवळा तालूक्यातील डोंगरगाव परिसरात बनावट दारु कारखान्यावर छापा टाकून १० लाखांचा मुद्देमाल जप्त केला आहे. (Maharashtra News)

नाशिकच्या येवला शहरात दुचाकी चोरट्यांनी धुमाकूळ घालत शहरातील विविध ठिकाणी दुचाकी चोरी केल्या. यानंतर शहर पोलिसांनी धाडसी कारवाई करीत तीन संशयितांच्या मुसक्या आवळल्या.

त्यांच्या ताब्यातून अकरा दुचाकी हस्तगत करण्यात आल्या आहेत. याबाबत अधिक तपास उपविभागीय अधिकारी सोहेल शेख यांच्या मार्गदर्शनाखाली पाेलीस करीत आहेत.

बनावट दारु कारखान्यावर पोलिसांचा छापा

नाशिक जिल्ह्यात पोलिसांनी अवैध दारु विरोधात मोहिम उघ़लेली असतांनाच गुन्हे शाखेच्या पथकाला मिळालेल्या गुप्त माहितीच्या आधारे पथकाने नाशिकच्या देवळा तालूक्यातील डोंगरगाव परिसरात छापा टाकला.

देशी आणि विदेशी मद्य तयार करणा-या एका गोडाऊन मधून दारु तयार करणारे साहित्य तसेच मशीन,बाटल्या आणि तयार झाल्यावर त्यावर विक्री साठी पाठवतांना मारले जाणारे शिक्के आणि दारु तयार झालेल्या दारुच्या बाटल्या असे एकुण 10 लाखाचा मुद्देमाल पाेलीसांनी जप्त केला. हा कारखाना चालविणा-या दोघांवर पाेलिसांनी करावाई केली आहे.

Edited By : Siddharth Latkar