कराडमध्ये सहलीच्या बसचा भीषण अपघात
बस डिव्हायडरला धडकून उड्डाणपुलावरून खाली पडली
३ विद्यार्थी गंभीर तर इतर किरकोळ जखमी
जखमींवर कराडमध्ये तातडीने उपचार सुरू
संभाजी थोरात, कराड
कराडमधून मोठी बातमी समोर आली आहे. सहलीला गेलेल्या ५५ महाविद्यालयीन विद्यार्थ्यांच्या बसचा भीषण अपघात झाला आहे. हे महाविद्यालयीन विद्यार्थी नाशिक येथील निफाड येथून सिंधुदुर्ग जिल्ह्यातील मालवण येथे पिकनिक साठी गेले होते. दरम्यान परत घरी जाताना वाटेत बस डिव्हायडरला धडकल्याने ही बस उड्डाणपुलावरून खाली कोसळली. या दुर्घटनेत बसचा चक्काचूर झाला असून ३ विद्यार्थी गंभीर जखमी आहेत तर इतर विद्यार्थी किरकोळ जखमी आहेत.
मिळालेल्या माहितीनुसार, नाशिक मधील निफाड तालुक्यातील पिंपळगाव येथील महाविद्यालयाचे विद्यार्थी सिंधुदुर्गातील मालवण येथे सहलीसाठी गेली होती. हसत खेळत दिवस घालवल्यानंतर परतीच्या प्रवासात मात्र या मुलांच्या वाटेत काळ आडवा आला. सिंधुदुर्गातून पुन्हा नाशिकच्या दिशेने निघालेल्या महाविद्यालयाच्या विद्यार्थ्यांच्या बसची कराड वाठार येथे पुणे बेंगलोर हायवेवर डिव्हायडरला धडक बसल्याने गाडी उड्डाणपुलावरून खाली कोसळली.
या दुर्घटनेत ३ विद्यार्थी गंभीर जखमी झाले तर इतर विद्यार्थी किरकोळ जखमी झाले आहेत. जखमींवर कराडमधील जवळच्या रुग्णालयात तातडीने उपचार सुरु करण्यात आले आहेत. तसेच या भीषण अपघातात गाडीचा चक्काचूर झाल्याचं पाहायला मिळत आहे. दरम्यान या गाडीच्या अपघाताचे मूळ कारण अद्याप समोर आलेलं नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.