अजय सोनवणे 
निफाड (नाशिक) : धुळ्याहून दादरला निघालेल्या एक्सप्रेसच्या बोगीमधून अचानक धूर निघू लागला. धावत्या रेल्वेमध्ये (Railway) ही घटना घडल्याने एक्सप्रेसमध्ये बसलेल्या प्रवाशांमध्ये गोंधळ उडाला होता. ही घटना निफाड रेल्वे स्थानकादरम्यान घडली. (Tajya Batmya)

मध्य रेल्वेवरील (Nashik) नाशिक जिल्ह्यातील निफाड रेल्वे स्थानकाजवळ नाशिकच्या दिशेने लासलगाव येथून सकाळी साडेनऊ वाजेच्या दरम्यान निघालेली धावत्या धुळे-दादर एक्सप्रेसच्या डी २ बोगी खालील भागातून धूर निघू लागला होता. धावत्या गाडीतून अचानक धूर निघू लागल्याने बोगीतील प्रवाशांमध्ये एकच गोंधळ उडाला. यामुळे ही रेल्वे गाडी निफाड स्थानकावर थांबवण्यात आली.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ब्रेक चिकटल्याने निघाला धूर 

चाकाला प्लास्टिकचा ब्रेक चिटकल्याने दूर निघत असल्याचे लक्षात आले. यानंतर सदर ब्रेक दुरुस्त करत गाडी नाशिकच्या दिशेने रवाना झाली. निफाड येथे धुळे- दादर एक्सप्रेस थांबवण्यात आल्याने या गाडीतील चाकरमान्यांचे वेळेत कामावर पोचण्यासाठी हाल झाल्याची चित्र पाहवयास मिळाले.