अजय सोनवणे

मनमाड (नाशिक) : दुधातील भेसळ हा कायमच गंभीर विषय बनला आहे. (Adulterated Milk) अन्न व औषधी प्रशासन या विरोधात कारवाई करत आहे. याच दरम्यान अन्न व औषधी प्रशासनाने निफाड पोलिसांच्या (Police) मदतीने छापा टाकत भेसळ केलेले दूध नष्ट करत भेसळ करणाऱ्या व्यक्तीला ताब्यात घेतले आहे.  (Live Marathi News)

नाशिकच्या निफाड तालुक्यातील बोकडदरे येथे अन्न व औषध प्रशासन आणि निफाड पोलीस यांना दुधात भेसळ होत असल्याची माहिती गुप्त माहितीदारामार्फत मिळाली होती. या माहितीनुसार पथकाने (FDA) बोकदरे येथील अतुल कातकडे यांच्या राहत्या घरी छापा टाकला. यावेळी तेथे एक व्यक्ती दुधात काहीतरी मिसळत असल्याचे आढळून आले.  

भेसळ केलेले ४२० लिटर दूध नष्ट 

पंचासह परिसराची झडती घेतली असता डेअरी परमीट पावडर १८ किलो, व्होल मिल्क पावडर ३४ किलो, तेलसदृश पदार्थ १७० लिटर आढळून आले. शिवाय या पदार्थांची भेसळ करून बनविलेले ४२० लिटर गाय दूधाचा साठा विक्रीसाठी तयार केल्याचे आढळून आले. हे ४२० लिटर दूध नष्ट करत ४८ हजार १८६ रुपये किमतीचा साठा जप्त करत ३ जणांविरोधात कारवाई केली आहे.