अजय सोनवणे 

मनमाड (नाशिक) : शेतकरी कुटुंब शेतात असताना घराचे कुलूप तोडून सुमारे ३ लाख ३६ हजाराचा मुद्देमाल घेऊन (Nashik) चोरटा फरार होण्याच्या तयारीत होता. यावेळी घरातील महिलांनी आरडाओरड केल्याने शेतात लपून बसलेल्या या चोरट्याला पोलिसांनी (Police) नागरिकांच्या मदतीने शेताला घेराव घालून ताब्यात घेतले. (Tajya Batmya)

नाशिकच्या निफाड तालुक्यातील चांदोरी येथील शेतकरी शिवाजी भोर व कुटुंब शेतामध्ये दुपारी काम करत असताना संधीचा फायदा घेऊन छत्रपती संभाजीनगर (Sambhajinagar) जिल्ह्यातील भाबरगाव येथील गोरख चव्हाण या कुख्यात गुंडाने घराचे कुलूप तोडून कपाटातील १० तोळे सोन्याची दागिने व ३० हजार रुपये रोख रक्कम असा एकूण ३ लाख ३६ हजार ५०० रुपयांचा ऐवज चोरून पोबार करण्याच्या तयारीत होता. याच वेळी घरातील महिला मंडळी शेतातून घरी आल्या असताना त्यांना धारदार शस्त्राचा धाक दाखवून मोटरसायकलवरून पळण्याच्या तयारीत होते. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मात्र महिलांनी आरडाओरडा केला असता तो उसाच्या शेतात जाऊन लपला. याची माहिती स्थानिक आपत्ती व्यवस्थापन टीम व पोलिसांना मिळताच ते घटनास्थळी दाखल झाले. नागरिकांच्या मदतीने संपूर्ण ऊसाला घेराव घालत फिल्मी स्टाईलने शोध घेत तीन तासाच्या अथक प्रयत्नानंतर चोरटा गोरख चव्हाण याला पकडण्यात यश आले. या दरम्यान पोलीस कर्मचारी अनिल गडाख यांच्यावर धारदार शस्त्राने हल्ला करण्याचा प्रयत्न या गुंडाकडून करण्यात आल्याने ते जखमी झाले आहेत.