नाशिक - सिन्नर (Sinnar) तालुक्यातील मोह गावालगत असलेल्या पाझर तलावात तीस वर्षीय महिलेसह तिच्या दहा वर्षांची मुलगी व आठ वर्षांच्या मुलाचा मृतदेह आढळून आल्याने खळबळ उडाली. शनिवारी सकाळी 11 वाजेपासून हे तिघेही घरातून बेपत्ता झाले होते. या प्रकरणी मयत विवाहितेच्या भावाच्या फिर्यादीवरून महिलेच्या सासरच्या लोकांविरोधात गुन्हा दाखल करण्यात आला असून पती व सासू-सासऱ्यांना पोलिसांनी (Police) अटक केली आहे. (Nashik Crime News)

सिन्नर - नाशिक (Nashik) महामार्गावरील मोह येथील ज्योती होलगीर या मुलगी गौरी आणि मुलगा साई यांच्यासह शनिवारी दुपारी साडेअकरा ते बारा वाजेच्या सुमारास राहत्या घरातून बेपत्ता झाल्याची तक्रार तिचे सासरे पांडुरंग कारभारी होलगीर यांनी सिन्नर एमआयडीसी पोलीस ठाण्यात दिली होती. त्यानंतर दुसऱ्या दिवशी होलगीर वस्ती जवळ असलेल्या पाझर तलावाच्या पाण्यावर या तिघांचेही मृतदेह तरंगत असल्याचे आढळून आले. (Nashik News Today)

स्थानिक तरुणांच्या मदतीने तिघांचे पाण्याबाहेर काढून सिन्नर उपजिल्हा रुग्णालयात नेण्यात आले. तेथे डॉक्टरांनी या तिघांनाही मयत घोषित केले. दरम्यान मृत विवाहितेच्या भावाच्या तक्रारीवरून सासरच्या ५ जणांविरोधात गुन्हा दाखल करण्यात आला असून तिघांना अटक करण्यात आली आहे. या घटनेचा पुढील तपास पोलिसांकडून करण्यात येत आहे.

Edited By - Shivani Tichkule