त्र्यंबकेश्वर (नाशिक) : बारा ज्योतिर्लिंगांपैकी एक असलेल्या त्र्यंबकेश्वरच्या (Trimbakeshwar) देवस्थानावर लवकरच नवीन विश्वस्त मंडळाची नेमणूक होणार आहे. देवस्थानावर नवीन विश्वस्तांच्या नेमणुकीसाठी (Nashik) नाशिकच्या धर्मादाय आयुक्तालयाकडून तशी अधिसूचना देखील जारी करण्यात आली. (Breaking marathi News)

त्र्यंबकेश्वर देवस्थानच्या विश्वस्त मंडळाचा कार्यकाळ ५ वर्षांचा असून लवकरच सध्याच्या विश्वस्त मंडळाचा कार्यकाळ संपुष्टात येत आहे. त्यामुळे नवीन विश्वस्त मंडळाच्या नेमणुकीसाठी हालचाली सुरू झाल्या आहेत. धर्मादाय आयुक्तालयाकडून विश्वस्त पदासाठी इच्छुकांकडून अर्ज मागवण्यात आले आहे. २४ जूनपर्यंत अर्ज करण्याची मुदत आहे.

कार्यक्षेत्र वाढविले

त्र्यंबकेश्वर देवस्थानच्या विश्वस्त मंडळात विश्‍वस्‍त पदासाठी त्र्यंबकेश्‍वर हेच कार्यक्षेत्र होते. परंतु, आत्तापर्यंत विश्वस्त पदासाठी त्र्यंबकेश्वर गावाचं कार्यक्षेत्र असलेल्या देवस्थान विश्वस्त मंडळाच कार्यक्षेत्र आता नाशिकपर्यंत वाढवण्यात आले आहे.