अजय सोनवणे 

मनमाड (नाशिक) : नाशिकच्या चांदवड मतदार संघात बंडखोरीला ग्रहण लागले असल्याची अशी परिस्थिती निर्माण झाली आहे. अगोदर भाजपमध्ये आणि आता कॉंग्रेसमध्ये बंडखोरीची लागण झाली आहे. काँग्रेसच्या तालुकाध्यक्षांनी बंडखोरी केली असून मतदारसंघात काँग्रेसमध्ये दोन गट पडल्याचे पाहण्यास मिळत आहे.

नाशिक (Nashik) जिल्ह्यातील चांदवड मतदारसंघातून महाविकास आघाडीतर्फे कॉंग्रेस उमेदवार शिरिष कोतवाल यांना उमेदवारी देण्यात आली आहे. मात्र उमेदवारीसाठी तालूक्याच्या गावागावत फिरून प्रचार करणारे चांदवड तालूका (Congress) कॉंग्रेसचे अध्यक्ष संजय जाधव हे इच्छूक असतांना ऐन वेळी त्यांची उमेदवारी रद्द केल्याचा आरोप करत उमेदवारी माजी आमदार शिरिष कोतवाल यांना देण्यात आली आहे. यामुळे चांदवड तालूक्यातील कॉंग्रेसमध्ये उभी फुट पडत दोन गट निर्माण झाले असून संजय जाधव यांनी मेळावा घेत आपली खंत यावेळी बोलून दाखवली आहे.

दरम्यान संजय जाधव यांना मनोज जरांगे यांचा फोन आल्याचे माहिती त्यांच्या कार्यकर्त्यांकडून मिळाली असून त्यामुळे महाविकास आघाडीच्या उमेदवारा समोर मोठे आवाहन उभे राहिले आहे. आता चांदवड मतदारसंघात काँग्रेस उमेदवार कोतवाल व बंडखोरी केलेले जाधव यांच्यातील लढत कशी राहील हे येणाऱ्या काळातच समजेल.