तबरेज शेख 

नाशिक : आजारी मुलाला दवाखान्यात जास्त पैसे लागत असल्याच्या कारणावरून निर्दयी पित्याने पाच वर्षाच्या चिमुकल्याला दोरीने उलटे टांगले. यानंतर त्याला बेदम मारहाण केल्याचा धक्कादायक प्रकार नाशिकच्या चांदवड तालूक्यातील धोतरखेडे येथे घडला आहे. या प्रकरणी आईने पित्या विरोधात तक्रार दिली आहे. 

नाशिक (Nashik News) जिल्ह्यातील धेतरखेडे येथे राहणाऱ्या मंगेश नंदू बेंडकुळे यांचा पाच वर्षाचा मुलगा आजारी पडला होता. त्याला उपचारासाठी वडाळी- भोई येथे दवाखान्यात घेऊन गेले होते. मात्र दवाखान्यात औषधोपचारासाठी जास्त पैसे खर्च झाल्याने बापाला संताप आला. या संतापात त्याने निर्दयतेचा कळस गाठत संतापलेल्या बापाने आजारी मुलाला छताला दोरीने उलटे टांगले. यानंतर त्याला बेदम मारहाण केली. पत्नीला देखील हाणमार (Crime) केली. मुलाला सोडविण्यासाठी जाणाऱ्या पत्नीला जीवे मारण्याची धमकी दिली. 

पोलिसात दिली तक्रार 

दरम्यान मुलाला बेदम मारहाण केल्याप्रकरणी पत्नी सुनीता बेंडकुळे हिने पोलिसात धाव घेतली. तिच्या तक्रारीवरुन वडनेर- भैरव पोलिसात गुन्हा दाखल करण्यात आला असून कौटूंबिक वादातून हा प्रकार घडल्याचे सांगितले जात आहे. याबाबत (Police) पोलिस या प्रकरणी अधिक तपास पोलीस निरीक्षक दिनकर मुंडे यांच्या मार्गदर्शनाखाली हवलदार ब्राम्हणे करत आहे.