नाशिक : सातव्या वेतन आयोगाच्या फरकाची रक्कम, दिवाळी सानुग्रह अनुदान, प्रलंबित पदोन्नत्या यासह १४ मागण्यांसाठी (Nashik) नाशिक महापालिकेच्या कर्मचारी सेनेचे संपाचे हत्यार उपसले आहे. महापालिका कर्मचारी सेनेकडून प्रशासनाला संपाची नोटीस दिली असून ऐन सणासुदीच्या काळात पालिकेचे तब्बल साडेतीन हजार कर्मचारी (Strike) संपावर जाणार असल्याने महापालिकेचे कामकाज ठप्प होण्याची शक्यता वर्तविली जात आहे. (Breaking Marathi News)

नाशिक महापालिकेतील कर्मचाऱ्यांना ७ व्या वेतन आयोगाच्या फरकाची रक्कम, दिवाळी सानुग्रह अनुदान, प्रलंबित पदोन्नत्या यासह १४ मागण्यांसाठी कर्मचारी सेनेचे संपाच हत्यार उपसलंय. १४ दिवसांत पालिका प्रशासनाने मागण्या मान्य न केल्यास कुठल्याही क्षणी संपावर जाण्याचा इशारा देण्यात आला आहे.

ऐन सणासुदीच्या काळात नाशिक महापालिकेचे कामकाज ठप्प होण्याची शक्यता आहे. विविध मागण्यांसाठी महापालिका कर्मचारी सेनेच्या कर्मचाऱ्यांनी १८ ऑक्टोबरनंतर कुठल्याही क्षणी संपावर जाण्याचा इशारा दिला. संपाची नोटीस देण्यात आली असून मागण्या मान्य करण्यासाठी प्रशासनाला १४ दिवसांचा अल्टिमेटम देण्यात आला असून यानंतर संपावर ठाम असल्याचे महापालिका कर्मचारी सेनेचे अध्यक्ष सुधाकर बडगुजर यांनी बोलताना सांगितले.