अजय सोनवणे 

मनमाड (नाशिक) : नाशिकच्या सटाणा तालूक्यातील ठेंगोडा येथे एका मद्यपीने धिंगाणा घातल्याचा प्रकार घडला. यात दुकानदाराने दारूसाठी पैसे देण्यास नकार दिल्याने या मद्यपीने कारच्या काचा फोडल्या. या प्रकरणी पोलिसात तक्रार दाखल करण्यात आली आहे. 

नाशिकच्या (Nashik News) ठेंगोडा येथे हा प्रकार घडला आहे. या ठिकाणी एका दुकानदाराची दगडाने गाडीच्या काचा फोडल्याची घटना घडली आहे. सकाळच्या सुमारास मद्यपी कैलास पगारे हा गावातील हर्षल कोठवदे यांच्या दुकानात गेला. येथे जाऊन त्याने दारु पिण्यासाठी पैसे मागितले. मात्र दुकानदाराने पैसे देण्यास नकार दिल्याने त्यांच्या दुकानासमोर लावलेली त्यांच्या कारला दगडाने मारत करच्या काचा फोडल्या. 

पोलिसात तक्रार दाखल 

इतकेच नाही तर गाडीच्या काचा फोडणारा सदरचा मद्यपी गावातील अन्य लोकांना अडवून त्यांना दमदाटी करत त्यांच्या कडून पैशांची मागणी करीत असल्याच गावकरी सांगतात. दरम्यान या घटनेनंतर सटाणा पोलिसात कैलास पगारे याच्या विरोधात तक्रार करण्यात आली आहे.