Nashik Latest News Saam TV
महाराष्ट्र

Nashik News : नाशिकमध्ये पोलिसांचा तगडा बंदोबस्त, बडी दर्गा, दूध बाजार परिसरात जमावबंदी; परिसरात तणावपूर्व शांतता

Nashik Two Group Clash : जुन्या नाशिकमधील दूध बाजार, बडी दर्गा आणि अन्य परिसरात पोलिसांचा कडेकोट बंदोबस्त तैनात करण्यात आलाय. याशिवाय शहरात जमावबंदीचे आदेश देखील लागू करण्यात आले आहेत.

Satish Daud

नाशिक शहरातील भद्रकाली परिसरात शुक्रवारी (ता १७) दोन गटात वाद झाला. यावेळी एका गटाने दुसऱ्या गटावर तुफान दगडफेक केली. या दगडफेकीत अनेकजण जखमी झाल्याची माहिती आहे. जखमींमध्ये ११ पोलिसांचा देखील समावेश आहे. याप्रकरणी दोषींवर गुन्हे दाखल करण्यात आले आहेत. सध्या परिसरात तणावपूर्व शांतता आहे.

नागरिकांनी कोणत्याही अफवांवर विश्वास ठेवू नये असं आवाहन पोलिसांनी (Police) केलंय. सध्या जुन्या नाशिकमधील दूध बाजार, बडी दर्गा आणि अन्य परिसरात पोलिसांचा कडेकोट बंदोबस्त तैनाद करण्यात आलाय. याशिवाय शहरात जमावबंदीचे आदेश देखील लागू करण्यात आले आहेत.

मिळालेल्या माहितीनुसार, बांगलादेशात हिंदूंवर झालेल्या अत्याचाराच्या विरोधात शुक्रवारी नाशिकमध्ये (Nashik News) सकल हिंदू समाजाकडून मोर्चा काढण्यात आला होता. यावेळी नाशिक बंदची हाक देण्यात आली होती. हिंदू समाजाच्या आवाहनाला अनेक व्यापाऱ्यांनी आणि दुकानदारांनी सकारात्मक प्रतिसाद दिला.

त्यांनी आपली दुकाने बंद ठेवली होती. पण नाशिकच्या भद्रकाली परिसरात काही दुकानं सुरु होती. दरम्यान, सकल हिंदू समाजाची रॅली भद्रकाली परिसरात पोहोचली. त्यावेळी आंदोलकांनी दुकानदारांना दुकान बंद करण्याचं आवाहन केलं. पण काही दुकानदारांनी त्यास विरोध केला.

यामुळे दोन गट आमने-सामने आल्याने परिसरात तणाव निर्माण झाला. यावेळी एका गटाने दुसऱ्या गटावर तुफान दगडफेक केली. घटनेची माहिती मिळताच पोलिसांनी तातडीने घटनास्थळी धाव घेऊन मध्यस्थी करण्याचा प्रयत्न केला. मात्र, पोलिसांनाही न जुमनता काही समाजकंटकांनी दगडफेक सुरुच ठेवली.

या दगडफेकीत अनेकजण जखमी झाले आहेत. जखमींना उपचारासाठी रुग्णालयात दाखल करण्यात आलंय. जखमींमध्ये ११ पोलिसांचा देखील समावेश आहे. सध्या परिसरात तणावपूर्ण शांतता असून पोलिसांचा तगडा बंदोबस्त तैनात करण्यात आलाय. तसेच काही परिसरात जमावबंदीचे आदेश देखील लागू करण्यात आले आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shaktipeeth Expressway :'शक्तीपीठ' ठरणार पांढराहत्ती? शेतकऱ्यांचं नुकसान, शेकडो गावांना फटका बसणार; राजू शेट्टींनी सांगितले विकासाचे अडथळे

Satara News: थरारक! साताऱ्यातील खंबाटकी घाटात ट्रकचा जळून कोळसा; वाहतूक ठप्प, VIDEO

IMD Rain Alert : महाराष्ट्रातील कोकण, विदर्भ, मराठवाडासह देशभरात ७ दिवस मुसळधार पावसाचा इशारा

Hindi Language Controversy: मला मराठी येत नाही, ताकद असेल तर महाराष्ट्रातून हाकलून द्या; केडियानंतर राज ठाकरेंना अभिनेत्याचं ओपन चॅलेंज

Maharashtra Politics : राज ठाकरे संपूर्ण भाषणात कुठेही 'ते' वाक्य बोलले नाही; एकनाथ शिंदेंच्या बड्या नेत्याचा थेट मुद्द्याला हात

SCROLL FOR NEXT