नाशिक : साप म्हटल्यावर आपल्या अंगावर काटा येतो. आणि तेच साप जर घरात सापडले तर त्याहून भीती असते. (Nashik) डिजीपी नगर २ येथील केवल पार्क भागात एका घरात नागाच्या कोब्रा जातीची (Snake) विषारी ५ पिल्ले आढळली. सर्पमित्राने ते शिताफीने पकडल्याने सर्वांनी सुटकेचा निःश्वास टाकला. (Breaking Marathi News)

नाशिक शहरातील डीजीपीनगर २ मधील अष्टविनायक नगर, केवल पार्क येथे गजानन ताथे यांच्या रो हाऊसमध्ये सापाची पिल्ले असल्याचे सर्पमित्र तुषार गोसावी यांना नागरिकांनी कळविले होते. ते तत्काळ त्या घरी पोहचले. त्यांनी मोठ्या शिताफिने ही पिल्ले पकडली. त्यामुळे मोठा अनर्थ टळलाय. सर्पमित्र गोसावी यांनी घराची पाहणी केली असता चेंबरजवळ डगमध्ये नागीण दिसली. मात्र तिच्यापर्यंत पोहोचण्यापूर्वी घुसीने केलेल्या बिळाच्या मार्गाने ती गायब झाली. 

शोधत असताना टॉयलेटच्या जाळीच्या मार्गाने किचनमध्येही शिरलेली काही पिल्ले आढळली. नंतर दुसऱ्या दिवशीं बेडरूममध्ये मिळालेली काही असे मिळून एकूण पाच पिल्ले शिताफीने पकडण्यात आले. कोब्रा जातीच्या विषारी नागाची ही पिल्ले आहेत. नागीण एकावेळी दहा ते बारा पिल्ले देते. त्यामुळे आणखी काही पिल्ले आहेत का याचा शोध घ्यावा लागेल असेही स्पष्ट केले.