Nashik News : नाशिक महापालिकेच्या शिक्षण विभागाने अनाधिकृत शाळा बंद न केल्याने संचालकांविरोधात गुन्हा दाखल केला आहे. विशेष म्हणजे नाशिकमध्ये पहिल्यांदाच अशा प्रकारचा शिक्षण संस्थांविरोधात फौजदारी स्वरूपाचा गुन्हा दाखल झाला आहे. (Maharashtra News)

नाशिक महापालिकेच्या शिक्षण विभागाने केलेल्या पाहणीत बेकायदेशीर आढळलेल्या शाळा चालवणाऱ्या नाशिकच्या ३ शिक्षण संस्थांना ९ कोटी ७८ लाखांचा दंड ठाेठावण्यात आला. विद्यार्थ्यांचे नुकसान हाेऊ नये यासाठी या संस्थांना शाळा बंद करण्याचे आदेश दिले.

दरम्यान यातील तिरुपती एज्युकेशन अँड चॅरिटेबल ट्रस्टची एमराल्ड हाईट्स पब्लिक स्कूल (emerald heights public school nashik) शिक्षण संस्थेने शिक्षण विभागाचा आदेश पाळला नाही. त्यामुळे संबंधित शाळेच्या संचालकांविरोधात नियमांचा भंग करून शासनाची फसवणूक केल्याचा गुन्हा पोलिसांत दाखल करण्यात आला. विशेष म्हणजे नाशिकमध्ये पहिल्यांदाच अशा प्रकारचा शिक्षण संस्थेविरोधात फौजदारी स्वरूपाचा गुन्हा दाखल झाला आहे.

Edited By : Siddharth Latkar