पती पत्नीच्या नात्याला काळिमा फासणारी घटना नाशिकमधून उघडकीस आली आहे. पतीनं पत्नीला गुंगीचं औषध देऊन तिचे अश्लील व्हिडिओ शुट केले. नंतर व्हिडिओ व्हायरल करण्याची धमकी देत शिवीगाळ करत मारहाण केली. तसेच डान्सबारमध्ये नाचण्यास भाग पाडले. पतीच्या याच त्रासाला कंटाळून पीडित महिलेनं पोलीस ठाण्यात धाव घेतली. तसेच नराधम पतीविरोधात तक्रार दाखल केली. पोलिसांनी तक्ररीवरून २ आरोपींविरोधात तक्रार दाखल केली.

पवन गाडेकर असे आरोपी पतीचे नाव आहे. नवरा- बायको नाशिकमधील हिरावाडी परिसरात राहत होते. पती आणि पत्नीमध्ये वारंवार भांडणं सुरू होती. काही दिवसांपूर्वी पतीनं पत्नीचे काही अश्लील फोटो आणि व्हिडिओ शूट केले होते. नंतर याच अश्लील फोटो आणि व्हिडिओच्या आधारे त्यानं बायकोला फसवण्याचा प्रयत्न केला.

त्यानं बायकोला तिचे अश्लील फोटो दाखवले आणि व्हायरल करण्याची धमकी दिली. तसेच नवरा वारंवार बायकोला शिवीगाळ करून मारहाण करीत असल्याची माहिती आहे. त्यानं पीडितेला डान्स बारमध्ये नाचण्यास भाग पाडले. पतीच्या याच त्रासाला कंटाळून तिनं पोलीस ठाण्यात तक्रार दाखल करण्याचा निर्णय घेतला.

तिनं नाशिकच्या पंचवटी पोलीस ठाण्यात पती आणि आणखी एका व्यक्तीविरोधात तक्रार दाखल केली. पोलिसांनी पीडित महिलेच्या तक्रारीनुसार, पती पवन गाडेकर आणि त्याचा मित्र अक्षय गांगुर्डे यांच्यावर गुन्हा केला आहे. तक्रारीनंतर पोलिसांनी २ व्यक्तीविरोधात गुन्हा केला आहे. पुढील तपास पंचवटी पोलिसांकडून सुरू आहे.