अजय सोनवणे 

मनमाड (नाशिक) : चोरट्यांचा धुमाकूळ सुरूच असून मार्केटमधील दुकाने देखील चोरट्यांनी टार्गेट केली आहेत. यात (Nashik) नाशिकच्या चांदवड शहरातील बाजार समितीच्या कॉम्प्लेक्समधील तीन दुकाने एकाच रात्रीत फोडून चोरट्यांनी साडेचार लाखापेक्षा अधिकचा मुद्देमाल (Theft) लंपास केला आहे. (Breaking Marathi News)

नाशिक जिल्ह्यातील चांदवड (Chandwad) शहरातील बाजार समितीच्या कॉम्प्लेक्समध्ये असलेली दुकाने चोरट्यांनी टार्गेट केली आहेत. या कॉम्प्लेक्समधील साई एक्सप्रेस कुरिअर, गुरुनानक आटो, नाशिक हायड्रोलीक अशा तीन दुकानांचे शटर उचकवून चोरट्यांनी आत प्रवेश केला. या तिन्ही दुकानातील मिळून एकूण ४ लाख ७२ हजाराचा मुद्देमाल लुटून नेला आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सीसीटीव्हीही नेला काढून 

चोरट्यांनी तीन दुकाने फोडले असून यात एका दुकानातील (CCTV) सीसीटीव्ही व हार्डडिस्क सुद्धा चोरून नेली आहे. चोरीची घटना उघड झाल्यानंतर चांदवड पोलिसांना याची माहिती देण्यात आली. यानंतर पोलीस घटनास्थळी दाखल होऊन पंचनामा करत तपास सुरू केला आहे.