अजय सोनावणे

Nashik News : नाशिकच्या येवला तालुक्यात येवला-नांदगाव रस्त्यावर पन्हाळ फाटा येथे एका वळणावर दोन वाहनाचा भीषण अपघात झाला आहे. या अपघातात पोलीस कर्मचाऱ्याचा जागीच मृत्यू झाला आहे. या अपघातामुळे परिसरात एकच खळबळ उडाली आहे. (Latest Marathi News)

मिळालेल्या माहितीनुसार, नाशिकच्या (Nashik) येवला तालुक्यातील येवला-नांदगाव रस्त्यावर पन्हाळ फाटा येथे एका वळणावर दोन वाहनात झालेल्या अपघातात पोलीस कर्मचारी दिपक पाटील यांचा मृत्यू झाला आहे. पाटील हे नांदगाव येथून कामानिमित्त येवला येथे जात असताना पन्हाळफाटा येथे समोरुन येत असलेल्या ट्रॅक्टरची जबर धडक त्यांच्या कारला (Car) बसल्याने त्यांचा जागीच मृत्यू झाला आहे.

दिपक पाटील हे नांदगाव पोलीस स्टेशन येथे कार्यरत होते. घटनेची माहिती नांदगाव पोलिसांना मिळताच ते घटनास्थळी पोहचले तर हा अपघात येवला हद्दीत झाल्याने येवला तालूका पोलिस घटनास्थळी दाखल झाले आहे. मृतदेह येवला उपजिल्हा रुग्णालयात शवविच्छेदनासाठी नेण्यात येऊन पोलिस अपघाताची अधिक चोकशी करीत आहे.