- राजेश भोस्तेकर

रायगड : केंद्रीय मंत्री नारायण राणे Narayan Rane यांचे रविवारी रात्री तब्येत बिघडल्याने ते आज स्वतः अलिबाग येथील स्थानिक गुन्हे शाखेच्या कार्यालयात प्रत्यक्ष हजर राहू शकत नाहीत अशा आशयाचे म्हणणे त्यांच्या वकीलांनी येथील पाेलिस अधिका-यांना दिले आहे.

मुख्यमंत्री उद्धव ठाकरे यांच्या संदर्भात केलेल्या आक्षेपार्ह वक्तव्यानंतर केंद्रीय मंत्री नारायण राणे यांना जामीन देताना महाड न्यायालयाने स्थानिक गुन्हे शाखेच्या कार्यालयात हजेरी लावण्याचे आदेशात नमूद केले होते.

न्यायालयाच्या आदेशानूसार आज सकाळी ११ ते १२ यावेळेत केंद्रीय मंत्री नारायण राणे यांनी स्वतः अलिबाग येथे हजेरी लावणे अपेक्षीत हाेते. परंतु त्यांची तब्येत बिघडल्याने ते आले नाहीत. त्यांच्यावतीने त्यांचे वकील ऍड.संदेश चिकणे यांनी पोलिस निरीक्षक दयानंद गावडे यांची भेट घेऊन मंत्री राणे यांच्या प्रकृती विषयी कल्पना दिली.

यावेळी वकीलांनी काही कागदपत्र सादर केली. त्यावेळी त्यांच्यासमवेत भाजपचे जिल्हाध्यक्ष ऍड. महेश मोहिते, भाजप अलिबाग शहर अध्यक्ष अंकीत बंगेरा हे उपस्थित हाेते.

Edited By : Siddharth Latkar