शहादा (नंदुरबार) : शहादा शहराजवळ असलेल्या गोकर्णेश्वर महादेव मंदिराचे मुख्य प्रवेशद्वाराचे कुलूप तोडून दानपेटीतील रोख रक्कम लंपास केल्याची घटना घडली आहे. चोरट्यांनी चोरी करण्यापूर्वी मंदिरातील सीसीटीव्ही कॅमेरे बंद केले होते. या प्रकरणी शहादा पोलिसात गुन्हा दाखल करण्यात आला आहे. 

शहादा (Shahada) शहरातील मंदिरात चोरी करण्याच्या घटना मागील काही दिवसात वाढल्या आहेत. विशेष म्हणजे आठवडाभरातील ही चौथी घटना आहे. दरम्यान १५ मे रोजी पहाटे पाचच्या अगोदर बायपास रस्त्यालगत असलेल्या गोकर्णेश्वर महादेव मंदिराच्या मुख्य प्रवेशद्वाराला लावलेले कुलूप लोखंडी (Crime News) सळईने चोरट्यानी वाकविले. मंदिरात प्रवेश करत गाभाऱ्याबाहेर ठेवलेल्या दानपेटीत भाविकांनी दान स्वरूपात टाकलेली रक्कम घेऊन चोरटे पसार झाले होते. 

चोरी करताना सीसीटीव्ही (CCTV) कॅमेऱ्यात फोटो येऊ नये म्हणून चोरट्यांनी मंदिरास लागून स्टोअररूममध्ये असलेले सीसीटीव्ही कॅमेरे फुटेज बॉक्सच्या वायरिंग स्क्रू चावीचा वापर करत काढत बॉक्स लंपास केला. यामुळे पोलिसांच्या हाती सीसीटीव्ही फुटेज नसल्याने चोरट्यांचा शोध घेणे आता आव्हान उभे ठाकले आहे.