सागर निकवाडे 
नंदूरबार : शहादा शहरातील कुकडेल परिसरात बॅनर पाडण्याच्या वादातून दोन गट समोरासमोर येत दगडफेक करण्यात आली होती. घटनेला दोन दिवस झाल्यानंतर देखील (Shahada) शहादा शहरात कडक पोलीस बंदोबस्त आहे. या प्रकरणात पोलिसांनी (Police) दोन्ही गटातील १५० जणांवर गुन्हे दाखल केले असून ३५ जणांना अटक केली आहे. (Tajya Batmya)

शहादा शहरात दोन दिवसांपूर्वी दोन गट समोरासमोर आल्याने दंगल उसळली होती. मात्र पोलिसांनी वेळीच हस्तक्षेप केल्याने मोठा अनर्थ टळला. याप्रकरणी शहादा पोलिसात तीन वेगवेगळे गुन्हे दाखल करण्यात आले असून ३५ आरोपींना अटक करण्यात आली आहे. तीन गुन्ह्यात दीडशेपेक्षा अधिक आरोपी असून पोलिसांकडून आरोपींचा शोध सुरू असून अटक सत्र सुरू आहे. दोन दिवसानंतर ही (Crime News) शहादा शहरात अतिरिक्त पोलीस बंदोबस्त तैनात करण्यात आला असून जिल्ह्यातील वरिष्ठ पोलीस अधिकारी  तळ ठोकून आहेत. 

अफवा पसरविणाऱ्यांवर नजर 

नागरिकांनी कुठल्याही अफवांवर (Nandurbar) विश्वास ठेवू नये; असे आव्हान जिल्हा पोलीस दलाच्या वतीने करण्यात आले आहे. शहादा शहरात शांतता असून समाज माध्यमांवर अफवा पसरवणाऱ्यांवर पोलीस दलाच्या वतीने नजर ठेवली जात आहे. शहरातील सलोखा कायम ठेवण्यासाठी नागरिकांना शांततेच्या आव्हान करण्यात आले असून कायदा हातात घेणाऱ्यांची गय केली जाणार नसल्याचा इशारा पोलीस अधीक्षकांनी दिला आहे.