सागर निकवाडे 
नंदूरबार : नंदुरबार तालुक्यातील शहादा- नंदुरबार रस्त्यावर समशेरपुर फाट्याजवळ दुचाकीला धडक देऊन (Nandurbar) कार पलटी होऊन नाल्यात कोसळली. या अपघातात (Accident) दुचाकीस्वारासह कारमधील लहान मुलगी गंभीर जखमी असून अन्य ४ जण किरकोळ जखमी आहेत. (Live Marathi News)

नंदुरबार शहरातील एक परिवारातील सदस्य उत्तरकार्य निमित्त शहादा तालुक्यातील प्रकाशा गावात (Prakasha) तापी नदी किनारी गेले होते. उत्तरकार्य आटोपून परिवार नंदुरबारकडे परतीच्या मार्गाला निघाला होता. या दरम्यान समशेरपुर फाट्याजवळ आले असता त्यांच्या कारसमोर अचानक एक दुचाकी आली. दुचाकीस्वाराला वाचविण्याच्या प्रयत्नात कारची धडक लागून दुचाकीस्वार दुचाकीसह फेकला गेला.  

जखमी रुग्णालयात दाखल 

सदर अपघातात कार पलटी होऊन नाल्यात जाऊन आदळली. या अपघातात दुचाकीस्वारासह कारमधील लहान मुलगी गंभीर जखमी असून अन्य ४ जण किरकोळ जखमी आहेत. सर्व जखमींना जिल्हा रुग्णालय नंदुरबार येथे उपचार करण्यात येत आहे.