सागर निकवाडे 
नंदूरबार : मध्य प्रदेश राज्यातील विधानसभेच्या निवडणुकीसाठी १७ नोव्हेंबरला मतदान होणार आहे. या विधानसभा निवडणुकीच्या पार्श्वभूमीवर (Nandurbar) नंदुरबार जिल्ह्याच्या मध्यप्रदेश आणि महाराष्ट्राच्या सीमावरती भागात (Police) पोलिसांकडून कडक नाकेबंदी करत वाहनांची तपासणी केली जात आहे. (Latest Marathi News)

मध्यप्रदेश राज्याची विधानसभा निवडणुकीचा कार्यक्रम लागला असून निवडणुकीच्या रिंगणात उभ्या असलेल्या उमेदवारांकडून जोरदार प्रचार सुरु आहे. विधानसभेच्या निवडणुकीसाठी १७ नोव्हेम्बरला मतदान प्रक्रिया पार पडणार आहे. या अनुषंगाने नाकेबंदी लावण्यात आले असून महाराष्ट्रातून मध्यप्रदेशकडे जाणाऱ्या वाहनांची कसून चौकशी करण्यात येत आहे. निवडणुकीच्या पार्श्वभूमीवर महाराष्ट्र आणि मध्य प्रदेशच्या सीमा ज्या ठिकाणी एकत्र येत आहेत. त्या ठिकाणी पोलिसांकडून नाकाबंदी करण्यात आली आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दोन ठिकाणी नाकाबंदी 

नंदुरबार जिल्ह्यातील म्हसावद पोलीस स्टेशनचे अंतर्गत दोन ठिकाणी नाकाबंदी करण्यात आली असून खेड डिगर या ठिकाणी पोलिसांनी २४ तास या सीमेवर पोलिसांनी तपासणी मोहीम सुरू आहे. पोलीस दलाच्या वतीने या निवडणुकीच्या पार्श्वभूमीवर दक्षता घेतली जात असल्याचे चित्र नंदुरबार जिल्ह्यात दिसून येत आहे.