सागर निकवाडे 
नंदूरबार : मणिपूर आणि मध्य प्रदेश येथे झालेल्या घटनेच्या निषेधार्थ आज जागतिक आदिवासी दिनाच्या निमित्ताने नंदुरबार (Nandurbar) जिल्ह्यातील समस्त आदिवासी (Aadivasi) समुदायाच्या वतीने आक्रोश मोर्चा काढण्यात आला. यावेळी मोर्चेकरांनी केंद्र सरकार विरोधात घोषणाबाजी केली. (Live Marathi News)

मणिपूर येथे घडलेल्या घटनेतील दोषींना तात्काळ फाशी द्या; या मागणीसाठी नंदुरबार जिल्हाधिकारी कार्यालयावर आज मोर्चा काढण्यात आला. पारंपरिक वेशभूषा परिधान करून आदिवासी महिलाही सहभागी झाले होते. हाताला काळी पट्टी बांधत केंद्र शासनाचा विरोधात घोषणाबाजी करण्यात आली.  

आक्रोश मोर्चात (Madhya Pradesh) जिल्ह्यातील आदिवासी महिला व पुरुष मोठ्या संख्येने सहभागी झाले होते. यासोबतच ठाकरे गटाचे आमदार आमशा पाडवी यांच्यासह राजकीय नेत्यांसह अनेक सामाजिक कार्यकर्ते आणि इतर संघटनांनी सहभाग नोंदवला.