सागर निकवाडे 

नंदुरबार : नंदुरबार शहरात एका दुकानात सुरू असलेल्या हुक्का पार्लरवर पोलीस अधीक्षक श्रवण एस दत्त यांनी धाड टाकत कारवाई केलिओ आहे. हुक्का पार्लरवर कारवाईची शहरातील पहिलीच घटना असल्याचे खळबळ उडाली आहे. या कारवाईत पोलिसांनी १२ जणांविरुद्ध गुन्हा दाखल केला आहे.

नंदुरबार (Nandurbar News) शहरात कोरेट नाका परिसरात एका दुकानात गुप्तपणे हुक्का पार्लर सुरू असल्याची गुप्त माहिती पोलिसांना मिळाली होती. या नंतर पोलिसांनी धाड टाकली असता या ठिकाणी अनेक जण हुक्का पीत असल्याचे आढळून आले. यातच पोलिसांना बघून अनेक जणांनी तेथून पळ काढला. पोलिसांच्या कारवाई हुक्का पिण्यासाठी लागणारे तंबाखू, कोळसा यासोबतच इतर साहित्य (Nandurbar Police) पोलिसांनी जप्त केले असून एकूण ४५ हजारांचा मुद्देमाल जप्त केला आहे.  

१२ जणांवर गुन्हा दाखल 

यानंतर पोलिसांनी येथे असलेल्या १२ जणांविरुद्ध नंदुरबार शहर पोलीस ठाण्यात गुन्हा दाखल करण्यात आला आहे. या सोबतच या हुक्का पार्लरवर दोन अल्पवयीन मुलांचा देखील समावेश असल्याची माहिती समोर आली आहे. नंदुरबार जिल्ह्यात अशा अनेक हुक्का पार्लर आणि गांजाचे प्रमाण वाढत असल्याची कुजबुज अनेक दिवसांपासून जिल्ह्यात होत आहे. मात्र या कारवाईने आता समाधान व्यक्त केला जात आहे.