सागर निकवाडे

नंदूरबार : अक्‍कलकुवा पोलिस स्‍टेशनला नुकताच रूजू (Akkalkuwa) झालेल्‍या पोलिस निरीक्षकाने तक्रार घेवून आलेल्‍या मुलीच्‍या पालकांना अर्वाच्‍य भाषेचा वापर केला. (Police) पोलिस निरीक्षकाच्‍या या वागणुकीचा निषेध केला जात असून या विरोधात आमदार देखील रस्‍त्‍यावर उतरले आहेत. (Live Marathi News)

नंदूरबार जिल्ह्यातील अक्कलकुवा पोलीस ठाण्यात नुकतेच नियुक्त झालेले पोलीस निरीक्षक दीपक बुधवंत यांनी त्यांच्या दालनात तालुक्यातील सरपंच व गेल्या काही दिवसांपूर्वी पळवून नेलेल्या मुलीचे पालक आले होते. त्‍यांना अर्वाच्य भाषा वापर करत चांगली वागणुक दिली नाही. यामुळे या पोलिस अधिकाऱ्याला तात्काळ निलंबित करावे; अशी मागणी होत आहे.

आमदारांनी केला रास्‍ता रोको

पोलिस निरीक्षक बुधवंत यांच्‍या विरोधात ॲट्रॉसिटीच्या गुन्हा दाखल करावा; या मागणीसाठी पोलीस ठाण्यासमोर शेवाळी नेत्रंग महामार्गावर विधान परिषदेचे आमदार आमश्या पाडवी आणि मुलींचा पालकांनी रस्ता रोको करत नाराजी व्यक्त केली आहे.