सागर निकवाडे 

नंदुरबार : राज्य सरकारने सुरू केलेली लाडकी बहीण योजनेच्या माध्यमातून महिलांना लाभ मिळत आहे. मात्र विरोधात हि योजना बंद पडणार म्हणून खोटा प्रचार करत आहेत. त्यांना मत मिळावी यासाठी विरोधकांकडून खोटे आरोप केले जात असल्याचे मंत्री डॉ. विजयकुमार गावित यांनी बोलताना सांगितले. 

काँग्रेस नेत्यांकडून लाडकी बहीण योजना बंद होणार असे वक्तव्य करण्यात आले होते. यावर प्रतिक्रिया देताना मंत्री गावित (Vijaykumar Gavit) यांनी माध्यमांशी संवाद साधताना विरोधकांवर निशाणा साधला आहे. राज्य सरकारने मुख्यमंत्री माझी लाडकी बहीण योजना सुरू केली असून या योजनेमुळे राज्यातील करोडो महिलांना या लाभ मिळत असल्याचे त्यांनी स्पष्ट केले. 

योजना सुरूच राहणार 

विरोधकांकडून खोटे आरोप केले जात असतील तर ही योजना बंद पडणार नाही आहे. पुन्हा आमचे (Nandurbar) सरकार आल्यावर योजना सुरूच राहणार आहे. विरोधकांना मत मिळवायचे आहेत. त्यामुळे योजना बंद होतील असे खोटे नाटे आरोप विरोधकांकडून केले जात असल्याच्या टोला मंत्री विजयकुमार गावित यांनी विरोधकांना लगावला.