सागर निकवाडे

नंदुरबार : मतदारांनी वारंवार संधी देऊन सुद्धा ज्यांना कधी विकास करता आला नाही. काँग्रेस नेते खोटं बोलून (Nandurbar) लोकांची दिशाभूल करीत आहेत. आता देखील आरक्षण, संविधान आणि त्यासारखे मुद्दे घेऊन पुन्हा मतं मागायला येत आहेत; अशा शब्दात (BJP) भाजपच्या डॉ. हिना गावित यांनी काँग्रेसवर हल्लाबोल केला आहे. 

नंदुरबार लोकसभा मतदार संघातील महायुतीच्या उमेदवार डॉ. हिना गावित (Heena Gavit) या गावागावात जाऊन कॉर्नर सभा घेत आहेत. या सभेदरम्यान त्यांनी (Congress) काँग्रेसवर हल्लाबोल केला. खोटारडेपणा करून दिशाभूल करणाऱ्या अशा नेत्यांना जागा दाखवा; अशा घनाघाती शब्दात महायुतीचे उमेदवार हिना गावित यांनी हल्लाबोल केला.

आदिवासींना कधीच न्याय दिला नाही 

सर्वाधिक काळ सत्तेत राहून सुद्धा काँग्रेस पक्षाने कधीही आदिवासींना खरा न्याय मिळवून दिला नाही. त्यांना साधे वनपट्टे सुद्धा वेळेवर दिले नाही. मोदी सरकारच्या काळात मात्र वनगावे वनपट्टे सगळ्यांचेच प्रश्न सुटले. नंदुरबार लोकसभा मतदार संघातील लाखो घरांना घरे दिली. लहान गावात सुद्धा काँक्रिटीकरण केले. महिलांना रोजगार आणि पाण्याची सुविधा दिली.