सागर निकवाडे

नंदूरबार : नंदूरबार जिल्ह्यातील सार्वजनिक बांधकाम विभागाच्या शहादा विभागाच्या कार्यकारी अभियंता महेश पाटील यांनी ठेकेदाराकडून ४३ लाखाच्या लाचेची (Bribe) मागणी केली. यातील पहिला हप्‍ता स्‍वीकारताना कार्यकारी अभियंत्‍यास रंगेहाथ पकडले. (Nandurbar) नंदुरबार लाच लुचपत प्रतिबंधक विभागाच्या पथकाने (ACB) रंगेहाथ अटक केली आहे. (Letest Marathi News)

ठेकेदारांनी केलेल्या तीन कोटी रुपयांचा कामाचे बिल मिळावे. तसेच मंजूर असलेल्या पाच कोटी रुपयांच्या कामांच्या कार्यारंभ आदेश मिळावा. यासाठी शहादा सार्वजनिक बांधकाम विभागाचे कार्यकारी अभियंता महेश पाटील यांनी संबंधित ठेकेदाराकडून ४३ लाख रुपयांच्या लाचेची मागणी केली होती. याबाबत ठेकेदाराने नंदुरबार एसीबीकडे तक्रार दिली होती.

साडेतीन लाखाचा पहिला हप्‍ता

लोचेची मागणी केलेल्‍या रक्‍कमेतील पहिला हप्ता म्हणून साडेतीन लाख रुपये स्वीकारताना पाटील यांना त्यांच्या शासकीय निवासस्थानी रंगेहात पकडण्यात आले. बांधकाम विभागातील भ्रष्टाचाराची लक्तरे वेशीवर टाकणाऱ्या या प्रकरणामुळे एकच खळबळ उडाली आहे. सदरची कारवाई नंदुरबार लाच लूचपत प्रतिबंधक विभागाचे उपाधीक्षक राकेश चौधरी यांच्या पथकाने केली आहे.