नंदुरबार : घरकुल योजनेत पात्र असताना देखील लाभार्थ्यांना लाभ दिला नाही. यामुळे शहादा तालुक्यातील पिंगाणे ग्रामस्थांचे प्रांत कार्यालयासमोर आमरण उपोषणाला सुरवात केली. (nandurbar-news-Eligible-beneficiaries-decided-ineligible-Fasting-of-villagers-deprived-of-Gharkul-Yojana)

घरकुल योजनेतंर्गत घर नसलेल्‍यांना निवारा दिला जातो. याकरीता सुरू असलेल्‍या पंतप्रधान घरकुल योजनेतंर्गत सर्वेक्षण केले जाते. त्‍यानुसार पात्र लाभाथ्‍र्यांचे नाव निश्‍चीत करून त्‍यास योजनेचा लाभ मिळवून दिला जातो. परंतु, या योजनेत घोळ केला जात असल्‍याचे उघड झाले आहे.

लाभ मिळत नाही तोपर्यंत उपोषण

शहादा तालुक्यातील पिंगाने गावात पंतप्रधान घरकुल योजनेतील लाभार्थ्यांचे चुकीचे सर्वेक्षण करून पात्र लाभार्थ्यांना अपात्र ठरवून योजनेपासून वंचित ठेवल्याने संतप्त ग्रामस्थांनी शहादा प्रांत कार्यालयासमोर आमरण उपोषण सुरू केले आहे. जोपर्यंत पात्र यादीतील लाभार्थ्यांना लाभ मिळत नाही; तोपर्यंत उपोषण सुरू ठेवण्याचा इशारा ग्रामस्थांनी दिला आहे.