सागर निकवाडे

नंदूरबार : नवापूर तालुक्यातील खांडबारा गावालगत रेल्वे रूळ क्रॉस करणे जीवावर बेतले आहे. रेल्‍वे (Navapur) रूळ क्राॅस करताना अचानक आलेल्‍या माल वाहतूक रेल्वे (Railway) आल्‍याने गोंधळून गेला. यात रेल्‍वेने धडक दिल्याने श्रावणी येथील एका २४ वर्षीय युवकाच्या मृत्यू झाल्याची घटना घडली आहे. (Live Marathi News)

रेल्‍वे रूळ ओलांडताना झालेल्‍या अपघातात अनेकांना जीव गमवावा लागला आहे. रेल्‍वे प्रशासनाकडून याबाबत सुचना वजा आवाहन केले जाते. तरी देखील याकडे दुर्लक्ष करून रेल्‍वे रूळ क्राॅस करत असतात. अशा प्रकारे रेल्‍वे रूळ ओलांडत असताना श्रावणीसदर येथील निकेष भरत कोकणे (वय २४) या युवकाचा मृत्‍यू झाला आहे.

रेल्‍वे आल्‍याने गोंधळला अन्‌

खांडबारा रेल्‍वे स्‍टेशनच्‍या अलिकडे निकेष हा रेल्वे रूळ ओलांडत होता. याच वेळी अचानक माल वाहतुक रेल्वे आली. रेल्‍वेच्‍या धडकेनेने युवकाच्या मृत्यू झाल्याची धक्कादायक घटना घडली आहे. अपघात होतात रेल्वे पोलीस आणि खांडबारा पोलिसांनी घटनास्थळी धाव घेत घटनास्थळी भेट दिली. यानंतर पंचनामा करून सदर मृत्यूदेह शवविच्छेदनासाठी पाठवण्यात आला होता.