सागर निकवाडे
नंदुरबार : मागील वर्षी पाऊस कमी आणि जलसंधारणाच्या कामाच्या अभावी यावर्षी गावाला पाण्याच्या टंचाईला सामोरे जावे लागले आहे. पाणी टंचाईवर मात करण्यासाठी डेव्हलपमेंट सपोर्ट सेंटरच्या माध्यमातून आणि ग्रामपंचायत भुजगावच्या पुढाकारातून नाला खोलीकरण कामाला सुरुवात झाली आहे.
डेव्हलपमेंट सपोर्ट सेंटरच्यामाध्यमातून हरणखुरी गावांत सर्व नाल्यांचे खोलीकरण केले जाणार आहे. त्याच (Nandurbar) बरोबर संपूर्ण गावांत व्हट खोदकाम केले जाणार आहे. यावर्षी धडगाव तालुक्यातील अनेक गावांना पाणी टंचाईला (Water Scarcity) सामोरे जावे लागले आहे. त्यामुळे तालुकाभरात जलसंधारणाच्या कामाची आवश्यकता आहे. परंतु जलसंधारणाच्या कामांचा वेग कमी असल्याने पाणी टंचाईची परिस्थिती उद्भवत आहे.
यंदा भीषण पाणी टंचाईला सामोरे जावे लागले आहे. नागरिकांना पाण्यासाठी दूरवर भटकंती करावी लागली आहे. यामुळे यंदा जलसंधारणाची कामांतर्गत नाला खोलीकरण कामासाठी ग्रामस्थांनी पुढाकार घेतला. या परिस्थितीवर मात करण्यासाठी धडगाव तालुक्यात गावागावांमध्ये जलसंधारणाच्या कामांचा वेग वाढवणे आवश्यकता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.