नंदुरबार : गर्दीच्या ठिकाणी मुलींची किंवा महिलांची छेड काढण्याचे, तसेच रात्रीच्या वेळी फिरण्यासाठी जाणाऱ्यांच्या (Crime News) मागून येत दुचाकीच्या सायलेन्सरचा जोरात आवाज करणे, शिवीगाळ करणे आदी प्रकारे टवाळखोरी करणाऱ्या (Nandurbar) नंदुरबार शहर व नंदुरबार तालुक्यातील, तसेच विसरवाडी येथील १७ युवकांवर पोलिसांनी कारवाई करण्यात आली. (Live Marathi News)

नंदुरबार जिल्ह्याचे पोलिस अधीक्षक पी. आर. पाटील यांना याबाबत तक्रारी प्राप्त झाल्या होत्या. त्यामुळे अशा घटना टाळण्यासाठी पोलिस अधीक्षक पाटील यांनी टवाळखोर करणाऱ्या युवकांविरुद्ध पोलिस ठाणेस्तरावर महिला पोलिस अधिकारी व महिला अंमलदार यांचे एक पथक तयार करून टवाळखोर करणाऱ्या युवकांविरुद्ध (Nandurbar Police) कारवाई करणेबाबतचे आदेश सर्व पोलिस ठाणे प्रभारी अधिकारी यांना दिले होते.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नंदुरबार जिल्ह्यात, नंदुरबार शहर पोलिस ठाणे हद्दीतील नेहरू चौक, डी. आर. हायस्कूल परिसरात ८, उपनगर पोलिस ठाणे हद्दीतील उड्डाणपूल, सिंधी कॉलनी परिसरात ५, नंदुरबार तालुका पोलिस ठाणे परिसरात २, विसरवाडी पोलिस ठाणे परिसरात २, असे एकूण १७ युवकांवर गर्दीच्या ठिकाणी व बाजार पेठांमध्ये टवाळकी करून मुलींची छेडछाड करणाऱ्या युवकांना तसेच नागरिकांना त्रास देणाऱ्या टवाळखोर युवकांना संबंधित पोलिस ठाण्यात आणून ताकीद देऊन पालकांच्या ताब्यात देण्यात आले आहे.