सागर निकवाडे

नंदूरबार : जिल्ह्यात कोरोनाने पुन्हा डोके वर काढले आहे. जिल्ह्यात पाच दिवसांत पाच रुग्ण आढळल्याने (Nandurbar News) आले आहेत. त्यामुळे आरोग्य विभाग सक्रिय झाला आहे. जे रुग्ण पॉझिटिव्ह आले आहेत त्यांच्या संपर्कात असलेल्या लोकांना देखील (Corona) कोरोनाची लागण होण्याची शक्यता आहे. (Maharashtra News)

देशासह राज्‍यात कोरोनाने पुन्‍हा डोके वर काढले आहे. काही महिन्‍यांपुर्वी कोरोनाची लाट पुन्‍हा येण्याची शक्‍यता वर्तविली होती. मात्र त्‍यावेळी कोरोनाची लाट पसरली नाही. मात्र आता गेल्‍या काही दिवसांपासून कोरोना पॉझिटीव्‍ह रूग्ण आढळून येत आहेत. यात नंदुरबार जिल्‍ह्यात देखील मागील पाच दिवसात कोरोना रूग्‍ण आढळून आल्‍याने जिल्‍हा आरोग्‍य यंत्रणा अलर्ट झाली आहे.

जिल्‍हा परिषदेतील अधिकारी पॉझिटीव्‍ह

नंदूरबार जिल्हा परिषदेतील एक अधिकारी कोरोना पॉझिटिव्ह आढळल्यानंतर कार्यालयात खळबळ उडाली होती. त्यानंतर, पुन्हा चार रुग्ण आढळून आले आहेत. वाढत्या रुग्णसंख्येमुळे प्रशासनाची डोकेदुखीही वाढली आहे. त्यामुळे कोरोना चाचणी वाढवणे गरजेचे झाले आहे. तर दुसरीकडे तापमान बदलत असल्याने मोठ्या प्रमाणावर सर्दी आणि खोकल्याचे रुग्ण अधिक रुग्णालयात येत आहे. जिल्हा प्रशासनाने कोरोनावर मात करण्यासाठी अधिक तयारी करून ठेवली आहे. मात्र रुग्ण वाढत असल्याने प्रशासनाने गांभीर्याने घेणे गरजेचे आहे.