सागर निकवाडे 

नंदुरबार : नंदुरबार जिल्ह्यातील खांडबारा गावाजवळ दोन मोटरसायकलींचा भीषण अपघात झाल्याची घटना घडली. अज्ञात वाहनाने धडक दिल्याने हा अपघात घडल्याचे प्राथमिक माहिती समोर आली असून अपघातात भाजप तालुका उपाध्यक्षसह एका व्यक्तीचा जागीच मृत्यू झाला असून दुसरा व्यक्ती गंभीर जखमी आहे. 

नवापुर (Navapur) तालुक्यातील खांडबारा- नंदुरबार रस्त्यावर खांडबारा ग्रामीण रुग्णालयाचे पुढे दोन मोटरसायकलींच्या भीषण अपघात झाल्याची घटना घडली आहे. खांडबारा ग्रामीण रुग्णालयाचे पुढे दोन मोटरसायकलला अज्ञात डंपर वाहनाने धडक देऊन घटना स्थळावरून डंपर चालक वाहन फरार झाला होता. घटनास्थळी पोलिसांनी पाहणी केली. तसेच दोन्ही अपघातग्रस्त मोटरसायकल खांडबारा पोलीस दूरक्षेत्र या ठिकाणी जमा करण्यात आले आहेत. 

दोघांचा मृत्यू 

सदर अपघातात (Accident) तीन जण गंभीर जखमी झाले होते. त्यांच्यावर खांडबारा ग्रामीण रुग्णालयात प्राथमिक उपचार करून त्यांना पुढील उपचारासाठी नंदुरबार (Nandurbar) जिल्हा रुग्णालयात पाठवण्यात आला होते. मात्र जिल्हा रुग्णालयात उपचारादरम्यान नवापूर तालुका उपाध्यक्ष ऍड. नशीब नथथू गावीत (रा. खडकी, ता. नवापूर) व फत्तेसिंग चंदू गावित (वय ६९, रा. टोकर तलाव, ता. नंदुरबार) यांच्या मृत्यू झाला.  तर अपघातात जखमी झालेले दयानंद पाडवी (वय ३५) यांच्यावर उपचार सुरू आहेत.