संजय सूर्यवंशी

नांदेड  : नांदेड जिल्ह्यातील अर्धापूर तालुक्यातील चाभरा या गावात महादेवाच्या पिंडी समोर असलेला (Nanded) नंदी चक्क दूध पीत असल्याचा व्हिडिओ व्हायरल होत आहे. नंदी दूध (Milk) पित असल्याचा दावा भाविकांनी केला आहे. असे व्हिडीओ यापूर्वी देखील व्हायरल झाले आहेत.

सध्या अधिक श्रावणमास सुरू आहे. या निमित्ताने भाविक महादेवाच्या मंदिरात (shiv Tempal) दर्शनासाठी गर्दी करीत आहेत. अर्धापूर तालुक्यातील चाभरा या गावात वडाच्या झाडाखाली महादेवाचे पुरातन मंदिर आहे. येथे नंदी दूध पित असल्याचा व्हिडिओ व्हायरल झाल्याने या मंदिरात मोठ्या प्रमाणात दर्शनासाठी भाविकांची गर्दी होत आहे. दरम्यान एका महिलेने या नंदीला चमच्याने दूध पाजले. 

भाविक करताय दावा 

चमच्यातील दूध या नंदिने पिल्याचा व्हिडिओ मोठ्या प्रमाणात व्हायरल होत आहे. हा व्हिडिओ व्हायरल झाल्याने या मंदिरात भाविक हा चमत्कार पाहण्यासाठी मोठी गर्दी करीत आहेत. या महादेवाच्या पिंडी समोरील नंदी चक्क दूध पीत असल्याचा दावा भाविकांनी केला आहे.