नांदेड : अनोळखी मृतदेहाची ओळख पटवत नांदेड (nanded) पोलिसांनी (police) खुनाचा छडा लावला आहे. दोन दिवसांपूर्वी नांदेड शहरातील वसरणी परिसरात एका अनोळखी तरुणाचा मृतदेह सापडला होता. पोलिसांनी या तरुणाची ओळख पटवत या प्रकरणी तिघांना अटक (arrest) केली आहे. (nanded latest marathi news)

गजेंद्र ठाकूर असं खुन झालेल्या तरुणाचं नाव आहे. गजेंद्रला होळीच्या (holi festival) दिवशी पार्टी करण्याचे उद्देशाने बोलावून योगेन्द्र ठाकूर, सुरेंद्र ठाकुर आणि निलेश पेनूरकर या तिघांनी खुन केला.

काही दिवसांपूर्वी सुनिल सुलगेकर या तरुणाचा खून झाला होता. या खुनाचा बदला घेण्यासाठी अभिषेक नावाच्या तरुणाचा या तिघांना खुन करायचा होता. त्यासाठी संशयित आरोपींनी गजेंद्रची मदत घेतली. मात्र अभिषेक हा गजेंद्रचा मित्र असल्याने गजेंद्रने अभिषेकला सावध केले. हा राग मनात धरुन संशयित आरोपींनी गजेंद्रचा काटा काढला. गजेंद्रने मित्राला सावध केल्याने गजेंद्रला स्वतः चा जिव गमवावा लागला अशी माहिती स्थानिक गुन्हे शाखेचे (local crime branch) पोलीस निरीक्षक द्वारकादास चिखलीकर यांनी दिली.

Edited By : Siddharth Latkar