संजय सूर्यवंशी

नांदेड : नांदेड जिल्ह्यातील कंधार शहराचा मागील सहा दिवसांपासून पाणी पुरवठा बंद आहे. यामुळे नागरिकांना पाण्यासाठी भटकंती करावी लागत आहे. शहरातील विस्कळीत झालेला पाणी पुरवठा सुरळीत करण्याच्या मागणीसाठी भाजपच्या वतीने कंधार नगर परिषदेवर हंडा मोर्चा काढण्यात आला. 

नांदेड (Nanded) जिल्ह्यातील कंधार नगर परिषदेकडून शहराला पाणी पुरवठा करण्यासाठी लिंबोटी प्रकल्प ते कंधार शहरापर्यंत पाणीपुरवठ्याची पाईपलाईन टाकण्यात आली आहे. यासाठी कोट्यवधी रुपये खर्च करण्यात आला आहे. मात्र कोट्यवधी खर्च करून ही कंधार शहराला सुरळीत पाणीपुरवठा होत नाही. (Water Scarcity) याबाबत वारंवार नगरपालिकेला निवेदने देऊनही पालिका प्रशासन याकडे लक्ष देत नसल्यामुळे भाजपचे ऍड. गंगाप्रसाद येनावार यांच्या नेत्रत्वात आज नागरपालिकेवर घागर मोर्चा काढण्यात आला. 

नगर परिषदेसमोर केली अंघोळ 

मागील सहा दिवसांपासून शहरात पाणी पुरवठा न झाल्याने (BJP) भाजपने हंडा मोर्चा काढला आहे. यावेळी कंधार नागरपालिके समोर प्रतिकात्मक स्नान देखील करण्यात आले. पाणी पुरवठा सुरळीत न झाल्यास तीव्र आंदोलन छेडण्याचा इशारा यावेळी मोर्चेकऱ्यांनी दिला आहे.